საწოლი, როგორც დროის მანქანა

“საწოლი დროის პორტალია: რვასაათიანი მოგზაურობა, უფრო ნათელი ხვალინდელი დღისკენ.” 

ბრიტანელი მწერალი, ჰერბერტ უელსი, სამეცნიერო ფანტასტიკაში, სახელად “დროის მანქანა”, წერს - “თითოეულ ჩვენგანს აქვს დროის მანქანა: ის, რაც წარსულში გადადის - მოგონებები; და რასაც მომავალში მივყავართ, არის ოცნებები”.

ჩეხი ფსიქიატრი, სტანისლავ გროფიც ვარაუდობს, რომ დროში მოგზაურობა რეალურია, ცნობიერება შეიძლება სცდებოდეს ფიზიკურ გარსს, ადამიანს შეუძლია იხელმძღვანელოს თავისი ცნობიერებით და გონებრივად იმოგზაუროს სივრცესა და დროში.

ის, რაც უკვე მოგიყევით ხდება ღამით, როცა საწოლში მოკალათებული ფიქრებს მიეცემით:

რას გეგმავთ?

ვისზე ოცნებობთ?

ვის ეფერებით?

რა იცის თქვენზე თქვენმა საწოლმა?

ბრიტანელი ასტროფიზიკოსი, სტივენ ჰოკინგი, ერთ-ერთ ინტერვიუში ამბობს:

• შეპყრობილი ვარ დროით. დროის მანქანა რომ მქონდეს, ვეწვეოდი მერლინ მონროს, როცა დიდების ზენიტში იყო. ან ნიუტონთან დავეშვებოდი იმ მომენტში, როცა ტელესკოპი ზეცას მიმართა. ასევე, გავემგზავრებოდი სამყაროს დასალიერში, რათა მენახა, როგორ მთავრდება ჩვენი კოსმიური ამბავი.
  

დროა, ჩვენც ვიმოგზაუროთ წარსულში და გავიგოთ საიდან მოდის საწოლის შექმნის ისტორია ან რა დანიშნულება ჰქონდა მას კაცობრიობის ისტორიაში. 

საერთო ძილის ფენომენი

იცოდით, რომ დიდი ხნის წინ ადამიანებს ჯგუფურად ეძინათ? თან, რაც უფრო დიდი იყო ასეთი ჯგუფი, მით უფრო უსაფრთხოდ ითვლებოდა ძილი ყველასთვის, ვინც მისი ნაწილი იყო. დღემდე, ზოგიერთ აფრიკულ ტომში შენარჩუნებულია საერთო ძილის ტრადიცია, პირველ რიგში, უსაფრთხოების მიზნით. საერთო ძილის უმთავრესი ფუნქცია იყო: ერთობლივი ხვრინვითა და სუნთქვით გამკლავებოდნენ ბოროტმოქმედებას. Სწორედ აქედან დაიწყო საწოლის შექმნისა და განვითარების ეპოქაც.

საწოლის შექმნის საწყისები

საწოლის ისტორიაზე თხრობა პირველყოფილი ადამიანებით უნდა დავიწყოთ, თუმცა ძალიან შორსაც არ წავალთ, რადგან, მათი სისტემა თანამედროვე საწოლის პროტოტიპი იყო: ეძინათ მიწაზე, ბალახით, ტოტებითა და ცხოველის ტყავით გადაფარებულს. ანტიკურ ხანაში, ჩვენთვის ხელმისაწვდომი ყველაზე ადრეული წყაროებიდან გამომდინარე, პირველი საწოლის არსებობა თარიღდება ძველი ეგვიპტის დროიდან. იმ დროს დასაძინებლად იყენებდნენ სწორკუთხა ხის ჩარჩოს ფეხების გარეშე, რომელიც შიგნიდან დათბილული იყო პალმის ფოთლებით, ჩალითა და ცხოველის ტყავით, რათა ის რბილიც ყოფილიყო. საწოლის მოწყობასთან დაკავშირებით სიტუაცია მკვეთრად შეიცვალა მხოლოდ შუა საუკუნეებში. სიცივისა და ორპირის გამო საწოლის სიმაღლე სულ უფრო და უფრო მაღლა მიიწევდა. საბოლოოდ, საწოლთან მისასვლელი ერთადერთი გზა იყო კიბე.

მაგრამ ადამიანის დაუკმაყოფილებელი ბუნება, არც აქ გაჩერებულა! უფრო მეტიც, ჩვეულებრივი საძილე ადგილებისგან დაიწყო ნამდვილი ხელოვნების ნიმუშების შექმნა. საწოლები მზადდებოდა ძვირფასი ხისგან, შემკული საუკეთესო ჩუქურთმებით და მორთული საუცხოო ორნამენტებით. ამასთან ერთად, ძალიან ხშირად, რომაელები საძილე ადგილას კიდებდნენ გამჭვირვალე ქსოვილს, რომელიც შექმნილი იყო ნესტისა და მწერებისგან თავის დასაცავად. იმ დროს მოქარგული ტილოს ფლობს სიმდიდრეს აღნიშნავდა, ამიტომ, მდიდარი საზოგადოება მასზე ფულს არ იშურებდა და, მეტი ფუფუნებისთვის, ყველაზე ძვირადღირებულ ქსოვილებსაც უკვეთდა. რა თქმა უნდა, ასეთ პირობებში საწოლის ღირებულება კიდევ უფრო იზრდებოდა და, ამ მიზეზით, ის ომის ნადავლადაც კი იქცა. Მაგრამ ვის ეკუთვნის საწოლის შექმნის იდეა? 

მაშ, ვინ გამოიგონა საწოლი?

თუ ვსაუბრობთ პირველ საძილე სისტემებზე, მაშინ შეგვიძლია მოვიხსენიოთ სპარსელები და ეგვიპტელები. თუმცა თუ თანამედროვე საწოლზე ვისაუბრებთ, აუცილებალდ უნდა ვახსენოთ “მერფი საწოლი”, რომელიც ინოვაცია იყო საწოლების ისტორიაში. 1900 წლის საწოლის შექმნის იდეა ამერიკელ უილიამ ლოურენს მერფის ეკუთვნის, სან ფრანცისკოში. Იგი ამერიკის შეერთებულ შტატებში, ყველაზე ძველი ავეჯის მწარმოებელია. Თუმცა მხოლოდ საწოლი ვერ შექმნის იმ სიმყუდროვეს, რომელიც დროში გვამოგზაურებს, არ დაგვავიწყდეს მისი განუყოფელი ნაწილი - მატრასი. სწორედ, გერმანელ ჰაინრიხ ვეშტფალს უნდა ვუმადლოდეთ, რომელმაც 1871 წელს შექმნა პირველი მატრასი, ჩვენ რომ დღესაც ვიყენებთ. თითქმის სამოცი წლის განმავლობაში, ზამბარებიანი მატრასი იყო მოდაში, სანამ 1928 წელს ჯონ ბოიდ დანლოპიმა არ გამოიგონა პირველი ლატექსის მატრასი. 1935 წელს გამოჩნდა პირველი მატრასი სინთეტიკური ქაფით - ერგონომიული ლეიბი, რომელიც ეგუება სხეულის კონტურებს, ფორმებს და საუკეთესოდ ასწორებს ხერხემალს. 

საწოლების ისტორიაში მნიშვნელოვანია 1966 წელიც, როცა ორმა მეცნიერმა, ჩიჰარუ კუბოკავამ და ჩარლზ ა. იოსტმა, Ames Research Center-ის ლაბორატორიებში შეიმუშავეს სინთეტიკური პოლიურეთანის ქაფი, რომლის გამოყენებითაც შეიქმნა მეხსიერების ღრუბელი მატრასებში. თავის მხრივ, ამ მახასიათებლის დახმარებით, მატრასი ზუსტად შეესაბამება ადამიანის სხეულს და, შედეგად, ამცირებს ზეწოლის წერტილებს რაც უზრუნველყოფს მშვიდ ძილს. Საწოლებისა და მატრასების განვითარების გზას მე-20 საუკუნეში, უკვე ბილ ბრედლი შეუერთდა, რომელმაც პირველმა გამოიგონა მანქანა, რომელიც კვადრატულ ფორმას აძლევს მატრასს და იდეალურად ერგება თანამედროვე საწოლს.  

წარსულში ვიმოგზაურეთ, დროა აწმყოში გადავინაცვლოთ..

ჩვენი დღეები

რა თქმა უნდა, ჩვენ, 21-ე საუკუნის მკვიდრნი, ყველაზე იღბლიანი ვართ. დღეს ჩვენ შეგვიძლია ავირჩიოთ ნებისმიერი ზომის, სიმაღლის, სიგანის, დიზაინის საწოლი, სხვადასხვა ფუნქციების მთელი სპექტრით: კლასიკურიდან მაღალტექნოლოგიურამდე, წყლის ლეიბიდან ჰაეროვან ბალიშებამდე…

საწოლის არჩევანი საოცრად დიდი და მრავალფეროვანია, მაგრამ თითოეული ემსახურება ერთ ძირითად რამეს - ხვალინდელი დღისკენ მოგზაურობას. რაც ყველაზე მიმზიდველია, საწოლს შეუძლია გამოგზაუროს იმ გარდამავალ ხიდზეც, რომელსაც სიზმარი და მასში არსებული მოჯადოებული წარმოდგენები ეწოდება. 

Საწოლი სწორედ ის ადგილია, სადაც საკუთარ თავთან მარტო ვრჩებით, საშუალება გვეძლევა ფიქრს მივეცეთ და ოცნებებში ვიმოგზაუროთ, დროის მანქანაც ხომ სწორე ამისთვის გვჭირდება. Მისი არსებობა იმდენად მნიშვნელოვანია, რომ მუსიკის სამყაროშიც კი არ დაიშურეს მასზე სიმღერისა თუ კომპოზიციის შექმნა. Აქვე გეტყვით, რომ როგორც თითქმის მთავარი პერსონაჟი, ფილმების სფეროშიც უხვად გვხვდება. რომ გთხოვოთ, გაიხსენოთ ცნობილი საწოლი, პირველი რომელი ფილმი გაგახსენდებათ? სავსებით შესაძლებელია, ეს იყოს ჰარი პოტერის პაწაწინა საძინებელი ოთახი, რომელიც პრივიტ დრაივის ოთხ ნომერში მდებარეობს, ან სარას საოცარი ოთახი, ფილმიდან “ლაბირინთი”, რომელიც შესანიშნავად ასახავს 80-იანი წლების თინეიჯერი გოგონას ოთახს, უამრავი პოსტერით, ყვავილებიანი საძინებლის ავეჯითა და სათამაშოებით, რომლებიც ცოცხლდებიან ფილმის განმავლობაში. Თუმცა, იქნებ თანამედროვე სტილის საწოლები გხიბლავთ? 

ბელუქსი - თქვენი ძილის გზამკვლევი

საწოლების არჩევანი მართლაც ძალიან დიდია და თქვენ ლოგიკურადაც იკითხავთ, როგორ არ დავიკარგოთ ამხელა ასორტიმენტში? პასუხი კი მარტივია, როცა ავეჯის მოდელების მრავალფეროვანი არჩევანი ერთ ადგილას არის თავმოყრილი. სწორად მიხვდით, საწოლის არჩევაზე და, შესაბამისად, თქვენს მყუდრო ძილზე, დიდი სიამოვნებით, ავეჯის სალონი, “ბელუქსი” იზრუნებს.

Შოურუმში წარმოდგენილი პრემიუმ ხარისხის საწოლებიდან აუცილებლად შეარჩევთ მოდელს, რომელიც მოერგება თქვენს მოთხოვნილებებს, გემოვნებას, სხეულს და, რაც არანაკლებ მთავარია, თქვენი ოთახის ინტერიერს.

“ბელუქსი” თავის მომხმარებელს სთავაზობს სხვადასხვა ზომის საწოლების ყველაზე დიდ არჩევანს. მრავალფეროვან დიზაინთან ერთად, შეურუმში წარმოდგენილია ფაქტურების ფართო არჩევანიც: ქსოვილი, ტყავი, მეტალი, ხე… ყველაფერი, თქვენი კომფორტისთვის და ჯანსაღი ძილისთვის.

იმოგზაურეთ ფიქრის სამყაროში, დროის ამ საოცარ მანქანასთან ერთად და გახსოვდეთ, როგორც ჯოელ მედენის სიმღერაშია, ყოველთვის გეცვათ საყვარელი პიჟამა საწოლში, რადგან არასდროს იცით, ვის შეხვდებით სიზმარში.