ის საერთო ღირებულება, რომელიც ნაჩვენებია დაკვეთის ფურცელში, ითვალისწინებს აწყობასა და ტრანსპორტირებას თბილისის ფარგლებში. დამკვეთის მიერ დაკვეთის გაუქმების შემთხვევაში წინასწარ გადახდილი თანხა უკან არ ბრუნდება შენახვის ვადის გადაცილების შემთხვევაში კომპანია არ იღებს პასუხისმგებლობას შეძენილი ავეჯის შესაძლო დაზიანებაზე. შენახვის ვადის ყოველ გადაცილებულ ერთ კვირაზე დამკვეთს დაეკისრება შეძენილი ავეჯის მთლიანი ღირებულების 1%-ის გადახდა. ავეჯის შეძენის შემდეგ კომპანიის მიმართ პრეტენზია არ მიიღება, თუ ავეჯი არ შეეტევა მყიდველის კარებში ან არ მოუხდება მყიდველის ინტერიერს. ასევე არ გაიცვლება სხვა სახის ავეჯზე და თანხა არ დაბრუნდება. საქონლის სრულად გამოსყიდვის შემდეგ სრული და აბსოლუტური საკუთრება და მატერიალური პასუხისმგებლობა გადადის მყიდველზე. კლიენტთან მიტანილი, აუწყობელი ავეჯის შემდგომ ხარისხზე-კომპლექტაციაზე, ან რაიმე დეტალის დაკარგვაზე, კომპანია პასუხისმგებლობას არ კისრულობს. ავეჯის მიტანის დღეს, მიტანის დრო განსაზღვრული არ არის. ავეჯის ტრანსპორტირება ხდება თანხის დაფარვიდან შემდეგ სამუშაო დღეს. კლიენტის მიერ ავეჯის არასწორი ექსპლუატაციის შემთხვევაში, რაც გამოიწვევს ავეჯის დაზიანებას, კომპანია პასუხს არ აგებს. თვითგადაზიდვის შემთხვევაში, ტრანსპორტირების დროს, ავეჯის შესაძლო დაზიანებაზე კომპანია ბელუქსი იხსნის პასუხისმგებლობას. კლიენტის მოთხოვნით მიტანილი, აუწყობელი ავეჯის აწყობა ხდება მიტანიდან მაქსიმუმ ერთი თვის განმავლობაში. კომპანია პასუხისმგებლობას იხსნის პროდუქციის დაზიანებაზე, თუ კომპანიის მიერ აწყობილ პროდუქციას მომხმარებელი გადაადგილებს. კომპანია რეკომენდაციით მიმართავს მომხმარებელს, პროდუქცია გადაადგილოს მხოლოდ დაშლილ მდგომარეობაში, რადგან პროდუქციის დაშლის გარეშე გადაადგილება, მაღალი ალბათობით, გამოიწვევს მის დაზიანებას, რადგან ეს ეწინააღმდეგება მოხმარების წესებს. კლიენტის მითითებულ მისამართზე, სატვირთო ლიფტის არარსებობის შემთხვევაში, მესამე სართულის ზემოთ შეძენილი ავეჯის ხელით ატანა ფასიანია. (სართული 10 ლარი).