“ძილი ღმერთია, თაყვანი ეცით მას.” - უთქვამს ამერიკელ ფანტასტს, ჯიმ ბატჩერს. თუმცა, ძილის ფენომენის ღვთაებრიობაზე უძველესი კულტურები ოდითგანვე საუბრობდნენ და მასში, მაგიურ გავლენებსაც კი ეძებდნენ. უძველესი სამეცნიერო თეორია ქრისტეშობამდე 500 წლის წინ გაჩნდა და მრავალი ტრანსფორმაციის შედეგად განავითარა აზრთა სხვადასხვაობა, რომელთა ჭეშმარიტებაც დღემდე განხილვას ექვემდებარება ხოლმე.

შეხედულებები ძილის შესახებ

• ბერძენმა ექიმმა და ფილოსოფოსმა, ალკემონ კროტონელმა გამოთქვა ვარაუდი, რომ ძილი სისხლის მიმოქცევასთან იყო დაკავშირებული.
• ხოლო არისტოტელეს მიაჩნდა, რომ ძილის დროს ყოვლისმხილველი ცნობიერი გულში იკავებდა ადგილს.
• საუკუნეების შემდგომ, რომაელმა ექიმმა, კლავდიუს გალენოსმა კი ძილის ფენომენი გულიდან ტვინში გადაიტანა.

ძილის ამგვარი მოგზაურობის შემხედვარე, დაიწყო ძილის მეცნიერულად შესწავლა, რადგან უკვე ცხადი იყო მისი ძლევამოსილი გავლენა ადამიანის ცხოვრების ხარისხზე. კალიფორნიის უნივერსიტეტის მეცნიერის, მეთიუ უოლქერის, წიგნის თანახმად, უძილობა სიცოცხლის ხანგრძლივობაზე უარყოფითად მოქმედებს. თავის წიგნში, Why We Sleep (“რატომ გვძინავს”), ავტორი ხაზს უსვამს ძილის აუცილებლობას და მკითხველს სთავაზობს იმ სტრატეგიებს, რომლებიც დროის სწორად გადანაწილებას და ჯანსაღი ძილის მიღწევას უზრუნველყოფს.

ადამიანის დღე-ღამის ციკლის ეს პერიოდი, ეხმარება მას ძალების აღდგენაში, ჯანმრთელობის შენარჩუნებაში და საკმაოდ დიდ როლს თამაშობს დაავადებების თავიდან აცილებაში. ძილის დროს ხდება ქსოვილების განახლება და დღის განმავლობაში, მეხსიერებაში მიღებული, ულევი ინფორმაციის გადამუშავება. საკმარისი ძილის ხანგრძლივობა ინდივიდუალურია, თუმცა, გამოუძინებელი ტვინის გაუმართაობას სხვადასხვა ზიანი მოაქვს ადამიანისთვის: გვირთულდება კონცენტრაციის შესაძლებლობა, ნათლად აზროვნება და ზოგადად, მახსოვრობა.

ძილი - ფსიქიკის ღმერთი?

ნიუ ეიჯის მიმდევრებს რომ დავუჯეროთ, ძილის დროს იძინებს ცნობიერი და ადამიანში აქტიურდება ქვეცნობიერი - ღმერთი. ისინი ერთბაშად თანხმდებიან, რომ სწორედ ქვეცნობიერთან მიახლოების გზებით და ტექნიკებით არის შესაძლებელი იდეალური გარემოს შექმნა, ნებისმიერი დაავადებისგან განკურნება და, რაც უნდა უცნაურად ჟღერდეს, რეალობის მართვაც კი, რაშიც ხარისხიანი ძილი ხელს გვიწყობს. როგორც აღმოჩნდა, ამ, ერთი შეხედვით, ირეალურ ტექნიკებს ფსიქოლოგთა კაბინეტშიც შეხვდებით - თუ ადამიანს სურს არასასურველი რეალობის შეცვლა, ღამე, ძილის წინ უნდა შექმნას გონებაში სასურველი რეალობა და მშვიდად დაიძინოს ახალი სინამდვილის შეგრძნებით. კიდევ ერთხელ რომ ითქვას, ძილი საკმაოდ მნიშვნელოვანი ფენომენია ჩვენს ცხოვრებაში. ამხელა ძალაუფლების მქონეს, თანამედროვეობის ღმერთიც კი შეიძლება ვუწოდოთ. სწორედ ამიტომაც არის მნიშვნელოვანი ის, თუ როდის, რამდენი ხანი და რაზე გვძინავს. მაგრამ, ამავე დროს, მნიშვნელოვანია ბალანსის შენარჩუნება, რათა ერთმანეთში არ აგვერიოს ძილი, ღვიძილი და სიზმარი, როგორც ეს მიშელ გონდრის ფილმის პერსონაჟს ემართება, რომანტიკულ ფანტასტიკაში The Science of Sleep ("ძილის მეცნიერება"). ხელოვნებით გატაცებული ახალგაზრდა ყმაწვილი, სტეფანი, მთელი ფილმის განმავლობაში ვიზუალურად მოგვითხრობს სიზმრების შექმნის შესახებ და, საბოლოოდ, თავად ეხვევა მისი ფაზების აბლაბუდაში.

მატრასი - მშვიდი ძილის გარანტი

ჩვენც გადმოვინაცვლოთ ფანტასტიკიდან რეალობაში, თვალი გადავავლოთ მატრასის შექმნის ისტორიასა და დღევანდელ დღეს არსებულ თანამედროვე მახასიათებლებსა და უპირატესობებს.

სიზმრებთან ერთად, ძილის განუყრელი ნაწილია ჩვენი საწოლი, უფრო კონკრეტულად კი მატრასი, რომელზეც გვძინავს. თანამედროვე მატრასების შემთხვევაში, რთული დასაჯერებელია, რომ ეს კაცობრიობის უძველესი გამოგონებაა. თავად სიტყვა "მატრასს" აქვს არაბული ფესვები და ითარგმნება როგორც "დაგდება". გარდა ამისა, ის შეიძლება მიუთითებდეს იმ ადგილს, რომელზედაც რაღაც დააგდეს. ისტორიკოსების მტკიცებით, რბილ საფენზე ძილის იდეაც ძველ არაბებს ეკუთვნოდათ.

ამ თემის ირგვლივ არქეოლოგებსაც უმუშავიათ. გათხრების მიხედვით, პირველი მატრასები თარიღდება ჯერ კიდევ შორეული ნეოლითის ხანით (ძვ. წ. 5-4 ათასწლეული). საწოლი მაშინ წარმოადგენდა პატარა სიმაღლეს მიწის ზემოთ, რომელიც იცავდა მძინარე ადამიანს ჭუჭყისა და მავნებლებისგან. უძველესი მატრასების გადასაფარებლად ცხოველის ტყავი გამოიყენებოდა, რომელიც, თავის მხრივ, ივსებოდა რბილი მასალით, ბალახითა თუ ფოთლებით.

დაახლოებით 4 საუკუნის შემდეგ, დაიწყო პირველი მატრასების დამზადება ცხოველის ბეწვითა და ფრინველის ბუმბულით. ასეთი ნივთის ქონა საკმაოდ პრესტიჟულად ითვლებოდა, ამიტომ, თავდაპირველად, ისინი კეთდებოდა კომფორტის მოყვარული მდიდარი რომაელებისთვის. მე-15 საუკუნიდან კი ევროპაში გამოჩნდა უხეში, გამძლე ქსოვილისგან დამზადებული მატრასები, სავსე ბარდის ქერქით, ჩალითა და, ზოგჯერ, ფრინველის ბუმბულითაც. ხოლო, უფრო მიმზიდველი მატრასი გახდა მე-19 საუკუნეში, მაღალი ხარისხის ქსოვილების გამოყენების წყალობით. როგორც აღმოჩნდა, ადამიანები თანდათან იკვლევდნენ მარტასისა და კარგი ძილის მჭიდრო კავშირს.

მატრასების შემდგომი განვითარება, დაკავშირებულია ზამბარების სტრუქტურების მოდერნიზაციასთან. შედეგად, 1929 წელს გამოჩნდა ლატექსის მატრასები, რომელთა ტექნოლოგიაც ფართოდ გამოიყენება დღესაც.

ბელუქსი და დღევანდელობა

მაშ ასე, მატრასების განვითარების ისტორია გრძელდება. სახლში კომფორტულად ძილის მიღმა, მატრასს სამედიცინო მნიშვნელობაც გაუჩნდა - ორთოპედიული მატრასი, რომელიც კონკრეტული დაავედების სამკურნალოდ გამოიყენება. მისი შეძენა ექიმის დანიშნულების გარეშე, რეკომენდირებული არ არის. ასევე უნდა აღინიშნოს, რომ ის ძილისთვის არაკოფორტულია.

ექიმის დანიშნულების გარეშე, ფართო გამოყენებისთვის იდეალურია ნახევრად ორთოპედიული - ჰიბრიდული მატრასი, რომელიც ზრუნავს თქვენი ხერხემლის ჯანმრთელობასა და კომფორტზე.

ამჟამად, დიდი ყურადღება ეთმობა ახალ მასალებს. მატრასის ძირითადი დიზაინი კი თითქმის, უცვლელი რჩება.

ავეჯის სახლი "ბელუქსი" 1997 წელს შეიქმნა და წარმატებით მოღვაწეობს ბაზარზე. აქ წარმოდგენილია ჰიბრიდული - ნახევრად ორთოპედიული, ეკოლოგიურად სუფთა და უმაღლესი ხარისხის სხვადასხვა კატეგორიის მატრასი, რომელიც აკმაყოფილებს ყველაზე ამბიციური და დახვეწილი მომხმარებლების გემოვნებასა და მოთხოვნებს.

ბელუქსში წამოდგენილი ყველა მატრასის მთავარი შემადგენელი კომპონენტი არის ინდივიდუალურად შეფუთული ზამბარების სისტემა, რომელიც ადამიანის ერგონომიკაზე მორგებით, უზრუნველყოფს სხეულის კომფორტსა და სიმშვიდეს. ზამბარების ხვეულები ერთმანეთთან არ არის დაკავშირებული მავთულებით, რის შედეგადაც, თითოეულ, ინდივიდუალურად შეფუთულ ზამბარას შეუძლია დამოუკიდებლად მოძრაობა, რაც ამცირებს ძილის დროს პარტნიორის შეწუხებას.

კატეგორიის მიხედვით მატრასის შემადგენელი ფენები შეიძლება იყოს:

მეხსიერების ღრუბელი, რომელიც ამცირებს და აქრობს ზეწოლის წერტილებს, რადგან ზუსტად შეესაბამება ამა თუ იმ სხეულს და უზრუნველყოფს ნაკლებ ტრიალსა და შფოთვას ძილის დროს. ასევე, გეხმარებათ გაიღვიძოთ აღდგენილი ენერგიით, რაც ასე მნიშვნელოვანია ახალი დღის დასაწყებად.

ლატექსი ეს ნატურალური მასალაა, რომელიც იწარმოება კაუჩუკის ხისგან, მოიპოვება თხევადი სახით და გარდაიქმნება ძალიან გამძლე მატრასის კომფორტულ ფენად. ლატექსი ინარჩუნებს ფორმას და არის ანტი-მიკრობული, რაც საუკეთესო საშუალებაა ალერგიული ადამიანებისთვის.

გრეხილი ღრუბელი ზღვის ტალღისებურია. როცა მასში გძინავთ, თითქოს სხეულს ამასაჟებს, გეხმარებათ მოდუნებაში და საბოლოოდ, გაყენებთ სასიამოვნო გუნებაზე.

მაღალი სეგმენტის მატრასები (LUXURY CATEGORY) რომელიც, შეიძლება აერთიანებს სხვადასხვა ფენებს, მაგალითად, მეხსიერების ღრუბელსაც და ლატექსსაც, იყოს ალოე ვერას, ტენსელის ან აბრეშუმის ზედაპირით, მეტი სიგრილისთვის, ანუ მოიცავდეს ყველა იმ კომპონენტს, რომელიც გარანტირებულად უზრუნველყოფს მშვიდ და კომფორტულ ძილს.

პროდუქციისა თუ ფასის მრავალფეროვნებასთან ერთად, “ბელუქსი” გთავაზობთ მატრასის სტანდარტული ზომების ფართო არჩევანს:

ასევე, სურვილისამებრ შესაძლებელია არასტანდარტული ზომის შეკვეთაც.

ხარისხიანი ძილი შეუფასებელია! როგორც ზემოთქმულიდან დავრწმუნდით, ის აუცილებელია ჯანმრთელობისა და კეთილდღეობისთვის. საუკეთესო ძილს კი სწორად შერჩეული მატრასი უზრუნველყოფს.

“ბელუქსი” ზრუნავს თქვენს კომფორტულ ძილზე და გთავაზობთ მატრასის ყველანაირ სტანდარტულ ზომას, რომელიც აუცილებლად მოერგება თქვენ მიერ შერჩეულ მყუდრო საწოლს და მოუხმობს თქვენს ყველაზე ჯადოსნურ სიზმრებს.