ავეჯის დიზაინის ინდუსტრია და მისი გამორჩეული სახეები

საუკუნეების განმავლობაში, ავეჯი იყო იმაზე მეტი, ვიდრე უბრალოდ სახლის ფუნქციური ელემენტი. წამყვანი დიზაინერების გააზრებული და მხატვრული თვალით დანახული ავეჯი ერთგვარ ხელოვნების ნიმუშადაც აღიქმება ხოლმე. მათ მიერ შექმნილი ავეჯი და დეკორი ყოველგვარ დროსა და სტილს უძლებს: კომფორტული, ელეგანტური და წარმოსახვითი ნამუშევრები, რომლებიც აუმჯობესებენ ჩვენს სახლებს და ქმნიან ატმოსფეროს, რომელშიც თავს ნამდვილად გამორჩეულად ვგრძნობთ.

ავეჯის სალონი “ბელუქსი” წამყვანი დიზაინერების ნამუშევრების თავშეყრის ადგილად შეგვიძლია მოვიაზროთ, რადგან ჩვენს შოურუმებში წარმოდგენილია რამდენიმე საკულტო ავეჯი, რომელიც აუცილებლად მიიქცევს ნებისმიერი გემოვნების მქონე ადამიანის ყურადღებას. დიზაინერთა მოკლე ბიოგრაფიასთან ერთად კი, შემოგთავაზებთ ჩვენთან არსებულ მათ პროდუქციას, რომელიც აუცილებლად დაამშვენებს სხვადასხვა სტილში შესრულებულ ინტერიერის დიზაინებს.

როდოლფო დორდონი 

როდოლფო დორდონი ერთ-ერთი ყველაზე გავლენიანი თანამედროვე დიზაინერია საერთაშორისო ასპარეზზე. მისი ხანგრძლივი კარიერის განმავლობაში, რომელიც სამოცდაათიანი და ოთხმოცდაათიანი წლების ბოლოს დაიწყო, ის იყო მრავალი ინტერიერის დიზაინის კომპანიის შემოქმედებითი დირექტორი. თავის საქმიანობაში მან შეიმუშავა ავეჯი, რომელმაც მნიშვნელოვანი ადგილი დაიკავა იტალიაში, როგორც მდიდრული დიზაინის მქონე ნამუშევარი. მისი ქმნილებები ასახავენ დიზაინერის სტილს: სწორი და ელეგანტური ხაზების ერთიანობა, მასალების ზუსტი გამოკვლევა, შერჩევა და ორიგინალურობისა და ფუნქციონირების ერთობლიობა.

როდოლფო დორდონს აქვს სიღრმისეული ცოდნა, თუ როგორ უნდა იყოს კეთილმოწყობილი გარემო სხვადასხვა მასალებისა და სტრუქტურული მახასიათებლების გათვალისწინებით. ამ უნარებმა მას საშუალება მისცა, წლების განმავლობაში მიეღწია უზარმაზარი წარმატებისთვის ავეჯის დიზაინში.

კრისტოფ დელკური

განსაკუთრებით დაფასებული მისი ტენდენციური, დახვეწილი ელეგანტურობის, ასევე, მასალებისა და ფერების მიმართ განსაკუთრებული მგრძნობელობის გამო, კრისტოფ დელკურის დებიუტი ფრანგული დიზაინის სცენაზე 1990-იანი წლების ბოლოს შედგა. ის მაშინვე გახდა გამორჩეული მასალებზე მისი უკიდურესი ფოკუსირების გამო, სავარძლებისა და ავეჯის წარმოების ყველა ეტაპზე. 

სრულყოფილებისკენ მუდმივი სწრაფვისას და ტექსტურების ექსპერიმენტებისადმი მიდრეკილების გამო, კრისტოფ დელკურის პირველი ნაბიჯები ინდუსტრიაში და მისი პროფესიული ზრდა განაპირობა მისმა ახლო კავშირებმა სხვადასხვა ხელოსნებთან, მათ შორის მჭედელთან და კლასიკური ავეჯის მწარმოებელთან, რაც მას დაეხმარა თავისი უნარების გაძლიერებაში.

გაეტანო პეშჩე

გაეტანო პეშჩე - არქიტექტორი, მხატვარი და დიზაინერი, თავისი კარიერის ორმოცი წლის განმავლობაში ახორციელებდა საჯარო და კერძო პროექტებს ამერიკის შეერთებულ შტატებში, ევროპასა და აზიაში არქიტექტურის, ურბანული დაგეგმარების, ინტერიერის დიზაინისა და საგამოფენო დიზაინის სფეროებში. 

პეშჩე სწავლობდა არქიტექტურას ვენეციის უნივერსიტეტში და ახალგაზრდობაში დაწერა მანიფესტი ხელოვნებაში არათანმიმდევრულობის უფლების დასაცავად, რათა ის ყოფილიყო თავისუფალი. მან შექმნა ისეთი საკულტო პროდუქცია, როგორიც არის Up-ის სერია (1969). ეს მულტიდისციპლინური ნამუშევარი წარმოდგენილია მსოფლიოს ყველაზე მნიშვნელოვანი მუზეუმების მუდმივ კოლექციებში, მათ შორისაა MoMa და მეტროპოლიტენის მუზეუმი ნიუ-იორკში.

ანტონიო ჩიტერიო

ანტონიო ჩიტერიომ 2000 წელს პატრიცია ვიელთან ერთად დააფუძნა არქიტექტურისა და ინტერიერის დიზაინის პრაქტიკა, ამასთან ერთად კი, ავითარებდა ყველა მასშტაბის საერთაშორისო კომპლექსურ და გრძელვადიან პროექტებს. ის ამჟამად მუშაობს სამრეწველო დიზაინის სექტორში მრავალ უცხოურ კომპანიებთან. 2006 წლიდან 2016 წლამდე იყო არქიტექტურული დიზაინის პროფესორი მენდრისიოს არქიტექტურის აკადემიაში (შვეიცარია). 2008 წელს კი მას ლონდონის ხელოვნების, წარმოებისა და კომერციის წახალისების სამეფო საზოგადოებამ დააჯილდოვა "სამეფო დიზაინერის" წოდებით.

სებასტიან ჰერკნე

ლონდონში, სტელა მაკარტნისთან მუშაობის შემდეგ, გერმანელმა დიზაინერმა, სებასტიან ჰერკნემ 2006 წელს დააარსა საკუთარი სტუდია. ბალანსი და ინტუიცია მნიშვნელოვანი და მდგრადი ფაქტორებია მის მუშაობაში, რომელსაც იგი ხედავს, როგორც დისციპლინებს შორის უწყვეტ დიალოგს.

უპირობო სიყვარული ტრადიციული ხელობისადმი, ახალი ტექნოლოგიების კარგი შეგრძნება, ფერების, ავთენტური მასალებისა და ტექსტურებისადმი ჭეშმარიტი ოსტატობა და უცვლელი ცნობისმოყვარეობა სხვადასხვა კულტურის მიმართ არის სებასტიან ჰერკნერის ნამუშევრების მახასიათებლები. მისმა ნამუშევრებმა მოიპოვეს მრავალი პრიზი - მათ შორის IF Award, Iconic Award და Elle Deco International Design Award (EDIDA). ხოლო, Maison&Objet Paris-მა ის, ასევე, "წლის დიზაინერად" აირჩია.

რონანი და ერვან ბურულეკები

რონანი და ერვან ბურულეკები დაიბადნენ 1971 და 1976 წლებში. რონანმა სწავლის დასრულებისთანავე დაიწყო დამოუკიდებელი დიზაინის შემუშავება, ხოლო ძმა, რომელიც ჯერ კიდევ სკოლაში იყო, მას ეხმარებოდა. 1999 წლიდან ორივე ძმა ერთად მუშაობდა, როგორც ერთობლივი პარტნიორები პარიზში დაფუძნებულ საკუთარ დიზაინის სტუდიაში. საყოფაცხოვრებო და საოფისე ავეჯის, ფაიფურის ჭურჭლის, სამკაულებისა და სახლის მრავალფეროვანი აქსესუარების დიზაინის გარდა, მათი მუშაობის ძირითადი აქცენტია ინტერიერის სივრცის დიზაინი და ორგანიზება.

ვინსენტ ვან დუისენი

ვინსენტ ვან დუისენმა 1989 წელს დააარსა Vincent Van Duysen Architects. დღეს ფირმა გადაიზარდა ოცზე მეტი თანამშრომლისგან შემდგარ გუნდში, რომელიც მუშაობს მრავალი საერთაშორისო ბრენდის პროდუქტის დიზაინსა და კომერციული და ფართომასშტაბიანი არქიტექტურული პროექტების შექმნაზე. თავიდანვე, არქიტექტურას, ინტერიერსა და პროდუქტის დიზაინს შორის გარკვეული ურთიერთობა იყო დუისენის პროექტების კონცეფციის მამოძრავებელი ძალა. ფუნქციონალობა, გამძლეობა და კომფორტი არის მისი ნამუშევრების მთავარი კომპონენტები; არქიტექტურული ენა, რომელიც არ ერიდება ესთეტიკის გადმოცემას, მაგრამ მიდრეკილია თავი აარიდოს მოდას და ტენდენციებს.

მარიო ბელინი

მარიო ბელინი არის საერთაშორისო მასშტაბით ცნობილი არქიტექტორი და დიზაინერი. მან რვაჯერ მიიღო ოქროს კომპასის ჯილდო, ხოლო მისი 25 ნამუშევარი კი ინახება ნიუ-იორკის MoMA-ს მუდმივ კოლექციაში. წლების განმავლობაში მან შეიმუშავა ხელოვნების, დიზაინისა და არქიტექტურის გამოფენები, როგორც იტალიაში, ასევე მის ფარგლებს გარეთ. 

პაოლა ნავონე

გასული ოთხი ათწლეულის განმავლობაში, იტალიელმა არქიტექტორმა და დიზაინერმა, პაოლა ნავონემ, რომელსაც საკმაოდ ბევრი ჯილდო აქვს, უდავოდ დაიმსახურა აღიარება დიზაინისა და დეკორის სამყაროში. პირდაპირი, მეოცნებე და ეკლექტიკური: პაოლა ნავონეს გონება და სული არის სამხრეთისა და დასავლეთის გემოვნებისა და ფერების ერთობლიობა, ტრადიციებით მდიდარი, ახალი გამოცდილებებისადმი ღია და განუწყვეტლივ მოძრაობაში, რაც მის ნამუშევრებში აისახება.

პატრიცია ურკიოლა

პატრიცია ურკიოლა, რომელიც სწავლობდა არქიტექტურასა და დიზაინს, ესპანეთში დაჯილდოვდა ოქროს მედლით ხელოვნებაში დამსახურებისთვის. 2001 წელს მან დააარსა საკუთარი სტუდია, რომელიც სპეციალიზებულია სამრეწველო პროდუქტების დიზაინსა და არქიტექტურაზე. ის მუშაობს, როგორც მნიშვნელოვან დიზაინერულ კომპანიებთან, ასევე საერთაშორისო ჯგუფებთან და არის დიზაინის მუზეუმის, ტრიენალე მილანოს მრჩეველთა საბჭოს წევრი. ურკიოლას ნამუშევრები გამოფენილია ხელოვნებისა და დიზაინის ბევრ მუზეუმში მთელ მსოფლიოში, მათ შორის MoMA-ში.

ფრანჩესკო ბინფარე

ფრანჩესკო ბინფარემ 1980 წელს დააარსა დიზაინისა და კომუნიკაციის საკუთარი ცენტრი კვლევისა და პროექტების ხელშეწყობისთვის. ის ხელს უწყობს ავანგარდისთვის ავეჯის ექსპერიმენტების გამოქვეყნების ინიციატივებს და არქიტექტურულ პროექტებში ინტერაქციული მედიის გამოყენებას. ის ასწავლიდა მილანის დომუსის აკადემიაში და ლონდონის ხელოვნების სამეფო კოლეჯში და, ასევე, ქმნიდა ნახატებს, ფერწერას, ინსტალაციასა და ავეჯის მრავალ ნიმუშს, რომელთაგან ერთ-ერთია ცნობილი სავარძელი Flap.