ხალიჩის მოხმარების 11 წესი

6 თებერვალი, 2019

ხალიჩის მოხმარების 11 წესი

ხშირად ჩნდება კითხვა, რა წესებით უნდა ვიხელმძღვანელოთ, როდესაც ხალიჩის არჩევასა და ინტერიერზე მორგებას ვგეგმავთ. იმის გადაწყვეტა, თუ რა ზომის ხალიჩაა საუკეთესო კონკრეტული სივრცისთვის ან სად უნდა განვათავსოთ ის, რთულია, რადგან არსებობს მისი შერჩევის ბევრი „წესი“, ისევე, როგორც ამ „წესების“ საპირისპირო მოსაზრებები. გაგაცნობთ რამოდენიმე მათგანს:

წესი №1

ეს მეთოდი უმეტეს სიტუაციებში მართლდება. სივრცის უკეთესად აღქმისთვის ხალიჩას შეუძლია ავეჯის გაერთიანება, თუ მას დივნის, სავარძლისა თუ სკამების წინა ფეხების ქვეშ დავაგებთ. ეს მეთოდი პროპორციების კარგად აღქმასაც უწყობს ხელს.

წესი №2

თუ ოთახი არც ისე დიდია და ხალიჩის ფერი იატაკის ფერის კონტრასტულია, ეფექტური ინტერიერის შესაქმნელად შეგიძლიათ, დივნის წინა ფეხების ქვეშ დააგოთ ნოხი, სავარძლები და სკამები კი მთლიანად ნოხზე განათავსოთ. ამგვარად სივრცის მაქსიმალური აითვისებაა შესაძლებელი.

წესი №3

თუ დიდი ხალიჩის არჩევას აპირებთ, რომელიც ფარავს თითქმის მთელს ოთახს, წინასწარ განსაზღვრეთ, როგორ გინდათ განათავსოთ ავეჯი, შემდეგ კი დააგეთ ხალიჩა ისე, რომ არც ერთი თქვენ მიერ შერჩეული ავეჯი არ სცილდებოდეს მას. ეს მეთოდი ინტერიერს მყუდროსა და ჰარმონიულს გახდის.

წესი №4

თუ პატარა ხალიჩის შეძენას აპირებთ, რომელსაც დეკორატიული დატვირთვა ექნება, სჯობს, მასზე ავეჯი საერთოდ არ განათავსოთ და გარშემო დადგათ დივანი, სკამები, პუფები თუ სავარძლები.

წესი №5

ეს მეთოდები წლების მანძილზე ითვლებოდა სტანდარტად. ტრადიციული პროპორციებით ხალიჩის გარშემო ნახევარ მეტრზე აუცილებლად უნდა გამოჩნდეს იატაკი. ეს მეთოდი კარგია ისეთი ოთახებისთვის, რომლებიც მკვეთრადაა გამოყოფილი სხვა ოთახებისგან. თუ თქვენი ოთახი პატარაა, შეამცირეთ ნახევარი მეტრის პროპორცია დაახლოებით 20 სანტიმეტრამდე.

წესი №6

სასადილო ოთახში დიდი ხალიჩის დაგებისას არ არის საჭირო, იატაკის მკვეთრი გამოჩენა. საკმარისია, ოთახში შეიტანოთ თანამედროვე დეტალები. ამრიგად, თქვენ თანამედროვე და ტრადიციული ელემენტების საუკეთესო ტანდემს მიიღებთ.

წესი №7

თუ ხალიჩის დაგებას საძინებელში აპირებთ, დააგეთ ის საწოლის ქვეშ ისე, რომ ყველა მხრიდან საწოლს სცდებოდეს 30-50 სანტიმეტრით. ოთახის ზომის მიხედვით, ამ პრინციპით ხალიჩის ზომის შერჩევა არ გაგიჭირდებათ. თუ დიდი ხალიჩა არ გხიბლავთ, საინტერესო დეკორის შესაქმნელად შეგიძლიათ საწოლის წინ პატარა ხალიჩაც განათავსოთ. გაითვალისწინეთ, რომ ბალანსის შესაქმნელად უმჯობესია ხალიჩის კიდეები საწოლის კიდეებს სცდებოდეს.

წესი №8

თუ გსურთ ხალიჩის განთავსება სასადილოს მაგიდისა და სკამების ქვეშ, ხალიჩა ყველა მხრიდან ნახევარ მეტრზე მეტად უნდა სცდებოდეს მათ. ამრიგად, სკამის გაწევის შემდეგ, ის მაინც ხალიჩაზე რჩება.

წესი №9

გააფორმეთ ჰოლი გრძელი, ვიწრო ხალიჩით, მაგრამ დატოვეთ ადგილი სახლის შემოსასვლელთან.

წესი №10

თუ ოთახი დიდია, შეგიძლიათ სივრცეების გამოსაყოფად, ფერების შეხამებით ორი ან მეტი ხალიჩაც გამოიყენოთ.

წესი №11

დაარღვიეთ წესები - არსებობს ბევრი წესი თუ შეხედულება, როგორ შეარჩიოთ სწორი ზომისა და ფერის ხალიჩა. ზემოთ ჩამოთვილი მეთოდები დაგეხმარებათ, შემქნათ სრულყოფილი ინტერიერი, თუმცა გასათვალისწინებელია, რომ ისინი უნდა მოერგოს თქვენს ინდივიდუალურ სივრცესა და გემოვნებას, თუნდაც ამისთვის ყველა წესის დარღვევა მოგიწიოთ.

სრული კოლექციის სანახავად გვეწვიეთ შოურუმებში.


მომსახურება

მომსახურება და მიწოდება განვადების პირობები დილერი და ფრანშიზა

კომპანია

ჩვენ შესახებ სიახლეები კონტაქტი

შოურუმი

ავეჯი გარე ავეჯი საოფისე საბავშვო აქსესუარები ფასდაკლება დიზაინერული კუთხე

შემოგვიერთდით

© 2019, ბელუქსი. ყველა უფლება დაცულია.