5 რჩევა ყავის მაგიდის შესარჩევად

26 თებერვალი, 2019

მისაღები ოთახი, ყავის მაგიდის გარეშე დაუსრულებელია. თითქოს უმნიშვნელო დეტალი, სინამდვილეში, ძალიან დიდ როლს თამაშობს ოთახის მოწყობისა და შევსებისას. სწორად შერჩეული ყავის მაგიდა ავსებს და ასრულებს ინტერიერის საბოლოო დიზაინს. თუმცა, როგორი ყავის მაგიდა უნდა შევარჩიოთ მისაღები ოთახისთვის, საკითხავი აი ეს არის. მრგვალი, ოთხკუთხედი, ავანგარდული ფორმებით, მინის, ხისა თუ მეტალის.. არჩევანი მხოლოდ თქვენზეა. ამ ბლოგში, შევეცდებით მარტივი, მაგრამ ეფექტური რჩევები შემოგთავაზოთ იმისთვის, რომ თქვენი მისაღები ოთახის სტილი არ დაირღვეს, მაგიდამ კი მეტი სიმყუდროვე შესძინოს ინტერიერს.

ფორმა
ყავის მაგიდის ფორმა სხვადასხვა ფაქტორების გათვალისწინებით უნდა შეარჩიოთ. გყავთ თუ არა სახლში ბავშვები, რამდენად ვიწრო ან ფართოა თქვენი ოთახი, როგორი სტილისაა თქვენი ავეჯი და ა.შ. მრგვალი მაგიდა იდეალურია დიდი სივრცის, ნათელი ბინის მოსაწყობად. ასეთი ფორმის მაგიდა შეავსებს და სიმყუდროვეს შემატებს ინტერიერს. ასევე, თუკი ოჯახში ბავშვი გყავთ, მრგვალი ზედაპირი დაგაზღვევთ კუთხეებით მიღებული დაზიანებებისგან. თუმცა, მრგვალი ფორმები ნაკლებად ეფექტურია, თუ სივრცის ეკონომია გსურთ. პატარა სივრცისთვის იდეალური გადაწყვეტილება მართკუთხედის ფორმის მაგიდაა, რომელიც შეგიძლიათ კუთხის დივანთან, ან სამეულთან განათავსოთ და მყუდროდ მოკალათდეთ ტელევიზორის წინ. კუთხოვანი ფორმის მაგიდა დაგეხმარებათ, რომ დაზოგოთ სივრცე მისაღებ ოთახში. 

ზომა
ყავის მაგიდის შერჩევისას ზომას გადამწყვეტი მნიშვნელობა აქვს. აუცილებლად უნდა განსაზღვროთ როგორი სიმაღლისა თუ სიგანის მაგიდა სჭირდება თქვენს ოთახს. სტანდარტის მიხედვით, ყავის მაგიდა არ უნდა იყოს 2-5 სანტიმეტრზე უფრო დაბალი, ვიდრე თქვენი დივანია, რადგან, ასეთ დროს დაირღვევა პროპორცია და რაც მთავარია, ამგვარი სხვაობა, შესძლოა არაკომფორტული იყოს ყოველდღიურობაშიც. ყავის მაგიდის სტანდარტული სიმაღლე 35-40 სანტიმეტრია, თუკი მას სტანდარტული ზომის დივანთან ერთად ათავსებთ. უფრო მაღალი დივნის შემთხვევაში კი, შეგიძლიათ ყავის მაგიდა 45-50 სმ სიმაღლისაც იყოს. 

ფუნქცურობა
მნიშვნელოვანია იმის განსაზღვრაც, თუ რა დანიშნულებით აპირებთ ყავის მაგიდის გამოყენებას. გსურთ მხოლოდ დეკორაცია ინტერიერისთვის, თუ ფიქრობთ მეტი დანიშნულება შესძინოთ მას. პატარა სივრცის ბინებისთვის, უმჯობესია ისეთი მაგიდა შეარჩიოთ, რომელსაც, შეძლებთ სათავსოს ფუნქციაც მიანიჭოთ. ქვედა ნაწილი გამოიყენოთ როგორც თაროები, ან უჯრები, შეუხამოთ მცირე ზომის კალათები, რომელიც განსაკუთრებულ და ორიგინალურ იერს შესძენს თქვენს ინტერიერს. ასე დაზოგავთ სივრცეს და ავეჯსაც შესძენთ ორიგინალურობას.

მასალა
მასალის არჩევისას აუცილებლად გაითვალისწინეთ, თუ როგორ გინდათ გამოიყურებოდეს თქვენი ოთახი. მკაცრი, კლასიკური სტილის ინტერიერის არჩევის შემთხვევაში, სასურველია შეარჩიოთ მასიური ხის მაგიდა, ხოლო თანამედროვე ინტერიერს უფრო მეტად მინის, მეტალის, აკრილის, ან ხის უფრო მსუბუქი ვარიანტები მოუხდება. 

სტილი
სტილის შერჩევისას, მნიშვნელოვანია, თუ როგორი იქნება ოთახის ინტერიერი. თუ თანამედროვე სტილს ირჩევთ, შეგიძლიათ არჩევანი მეტალისა და მინის სინთეზზე შეაჩეროთ, თუკი მკაცრი, კლასიკური ინტერიერი გიზიდავთ, აუცილებლად აარჩიეთ მასიური ხე, ხოლო რომანტიკულ განწყობას მრგვალი ზედაპირის და თხელი კარკასის მქონე მაგიდა შეგიქმნით. 

სრული კოლექციის სანახავად გვეწვიეთ შოურუმებში.

მომსახურება

მომსახურება და მიწოდება განვადების პირობები დილერი და ფრანშიზა

კომპანია

ჩვენ შესახებ სიახლეები კონტაქტი

შოურუმი

ავეჯი გარე ავეჯი საოფისე საბავშვო აქსესუარები ფასდაკლება დიზაინერული კუთხე

შემოგვიერთდით

© 2019, ბელუქსი. ყველა უფლება დაცულია.