Კომფორტის მთავარი ელემენტი
რთული სამუშაო დღის ბოლოს მყუდროდ მოკალათება თუ პოპკორნთან ერთად ფილმის საყურებლად ჩაჯდომა - სავარძლის გახსენებაზე ყველა ადამიანს განსხვავებული ემოცია ეუფლება. მაგრამ, საკუთარ გამოცდილებებთან ერთად, დიდი ალბათობაა, გაგახსენდეთ სხვა, ცნობილი ავეჯი, რომელიც შეგხვედრიათ ყველგან, ფილმებსა თუ ცხოვრებაში. მაგალითად, წარმოგიდგენიათ 90-იანი წლების კლასიკური სერიალი “მეგობრები” (Friends) დიდი კომფორტული ნარინჯისფერი დივნის გარეშე?
რბილი ავეჯი არ არის მხოლოდ ინტერიერის ფუნქციონალური ელემენტი; ეს არის ის, რაც ნებისმიერ ოთახს განსაკუთრებულ ხიბლს, სირბილეს, კომფორტს ანიჭებს. რა შეიძლება იყოს უკეთესი, ვიდრე მძიმე სამუშაო დღის შემდეგ დასვენების ნეტარებაში ჩაძირვა, რბილ სავარძელზე პლედის ქვეშ?
გზა კომფორტამდე
თუმცა, თავდაპირველად, ავეჯი სულაც არ ყოფილა რბილი. მყარი მასალისგან დამზადებული ხისა თუ ლითონის, დამეთანხმებით, დიდი სიმყუდროვით ვერ გამოირჩეოდა. ამიტომ, მეტი კომფორტისთვის დაიწყო ავეჯის გადაკვრის ტექნიკის გამოყენება, რომლის განვითარებაც მე-16 საუკუნიდან იწყება.
თანამედროვე ეპოქაში ავეჯის გადაკვრის ხელოვნება პირველად დედოფალი ელიზაბეთის ეპოქაში, მე-16 საუკუნის ბოლოს გამოჩნდა. ამ დროს ხის სკამის უხეში ფორმები უფრო გავრცელებული გახდა და ადამიანებმა დაიწყეს იმაზე ფიქრი, როგორ გაეხადათ ის უფრო რბილი. ფხვიერი ბალახის ან თივის, ბუმბულის ან ცხოველის თმის დაყრილ ფენას თავზე დეკორატიულ ქსოვილს ან ცხოველის ტყავს ამაგრებდნენ, რაც მაშინ საუკეთესო საშუალება იყო, რათა მიეღწიათ სიმყუდროვისთვის.
ამ პერიოდში საზოგადოებაში საკმაოდ ფართოდ გავრცელდა საყოფაცხოვრებო კომფორტის მნიშვნელობაც, რაც ჩანს რბილი ავეჯის გაუმჯობესებულ ფორმებსა და ტიპების მრავალფეროვნებაში. ამ ეპოქის ავეჯი, როგორც წესი, ძალიან დიდი ზომის იყო, მის დასამზადებლად, ძირითადად, მუხას იყენებდნენ და, ხშირად, დეკორატიულად მორთვაც უყვარდათ, რის გამოც მოჩუქურთმებული ავეჯის შეძენა მხოლოდ არისტოკრატებს შეეძლოთ. ამასთან ერთად, დანარჩენი წევრებისგან განსხვავებით, მხოლოდ ოჯახის უფროსს ჰქონდა მსგავსად შელამაზებული სკამის ქონის უფლება.
მე-17 საუკუნეში გაჩნდა ბაროკოს სტილი და მოდაში შემოვიდა ნაკერი კიდეები, რაც იმას ნიშნავს, რომ ავეჯის ნებისმიერი ფორმების შექმნა შესაძლებელი გახდა ხის ჩარჩოებზე ბალიშების დაკერებით, რაც ინდივიდუალური დიზაინისა და მხატვრული ნამუშევრების დატანის საშუალებას იძლეოდა. ფანტასტიკა! - სწორედ ეს ჟანრი გახდა იმ პერიოდის რბილი ავეჯის დამახასიათებელი ნიშანი.
პრაქტიკულობა, როგორც თანამედროვე ღირებულება
რბილი ავეჯი არ არის მხოლოდ ფუნქციური ნივთი, არამედ სტილის ფორმირების საფუძველი ნებისმიერი ინტერიერისთვის. სწორად შერჩეული დივნებისა და სავარძლების დახმარებით თქვენ ცარიელ კედლებშიც კი შეგიძლიათ მოაწყოთ მყუდრო სივრცე.
თანამედროვე რბილი ავეჯის ერთ-ერთი დადებითი მხარე მათი მრავალფუნქციურობაა. ამის წყალობით, ბევრი ავეჯი უნივერსალურია და შესაფერისია როგორც ფართო დარბაზისთვის, ასევე, პატარა ბინებისთვის. მაგალითად, ზოგიერთი დივანი ნებისმიერ მომენტში მზად არის, კომპაქტური რბილი კუთხიდან გადაიქცეს სრულფასოვან ორადგილიან საწოლად. ასე რომ, თუ შეზღუდული ხართ კვადრატულ მეტრებში, უკეთესი გამოსავალი უბრალოდ არ არსებობს.
თანამედროვე რბილი ავეჯის კიდევ ერთი ტენდენცია - მოდულები. თავისუფლად კომბინირებული სეგმენტებისგან დამზადებული რბილი ავეჯი საშუალებას გაძლევთ ნებისმიერ დროს შეცვალოთ თქვენს ირგვლივ სივრცე. ეს ნიშნავს, რომ დივნები აღარ არის მხოლოდ ერთ ადგილას განლაგებული დიდი ავეჯი, არამედ, ფაქტობრივად, იშლება რამდენიმე ფუნქციურ ელემენტად: სავარძელი, სკამები და, თუნდაც, მინი-მაგიდები. მოდულარობა ძალიან პრაქტიკული და მოსახერხებელია, რადგან დღის განმავლობაში შეგიძლიათ ეს ყველაფერი დაშალოთ და ღამით ისევ დააბრუნოთ პირვანდელ მდგომარეობაში.
ბელუქსი - კომფორტის ძიების დასასრული
მაგრამ სანამ კომფორტსა და გამძლეობაზე ვისაუბრებთ, საჭიროა გონივრულად მივუდგეთ რბილი ავეჯის არჩევის პროცესს. გამორჩეულ დიზაინთან ერთად, ის უნდა იყოს ძლიერი, საიმედო და, ასევე, უახლესი ტექნოლოგიების გამოყენებით დამზადებული.
Გვეწვიეთ ბელუქსის შოურუმში, აქ დაგხვდებათ ევროპული ხარისხის, ეკოლოგიურად სუფთა მასალით დამზადებული რბილი ავეჯის ყველაზე დიდი არჩევანი. შეარჩიეთ სახლის დიზაინზე და თქვენს გემოვნებაზე მორგებული დივანი, კუთხის დივანი, სამეული თუ სავარძელი, რომელიც ათწლეულების განმავლობაში გახდება თქვენი განუყრელი მეგობარი და გაგრძნობინებთ მეტთავდაჯერებულობას, კომფორტს და თავისუფლებას.
