ავეჯის სტილი და ადამიანის ხასიათი
Წარმოიდგინეთ, რომ თქვენი სახლი ცარიელი ტილოა, რომელიც თქვენგან შედევრის შექმნას ელის. ინტერიერის დიზაინი ხომ მხოლოდ ფერების შერჩევა ავეჯის მოწყობა არ არის. Სივრცე, რომელსაც თქვენ ქმნით, ადამიანის ინდივიდუალურ ხასიათს გამოხატავს.
სწორი გარემოს შესაქმნელად, რომელშიც საუკეთესოდ იგრძნობთ თავს, აუცილებელია როგორც ინტერიერის დიზაინის შტრიხების შესწავლა, ასევე ადამიანის თვისებების გათვალისწინებაც. მნიშვნელოვანია იმის გარკვევა, თუ რომელ ძირითად მახასიათებელს მიეკუთვნებით: ხართ ექსტრავერტი, რომელსაც ხიბლავს მასპინძლობა; ინტროვერტი, რომელსაც სიამოვნებს მყუდრო მარტოობა; მინიმალისტი, რომელიც აფასებს სიმარტივეს; თუ მაქსიმალისტი, რომელიც ბევრი ნივთით თვალს ახარებს.
Შერჩეული ავეჯი, მნიშვნელოვნად მოქმედებს თქვენი საცხოვრებელი ფართის ატმოსფეროსა და ფუნქციონალურობაზე.
ექსტრავერტები და სოციალური ხმაური
ექსტრავერტები იკვებებიან სოციალური ურთიერთობებით და ხშირად მასპინძლობენ სტუმრებს სახლში. ამიტომ, მათთვის ავეჯმა უნდა წაახალისოს სტუმრებს შორის ურთიერთობა და შექმნას კომფორტული ატმოსფერო.
ამ შემთხვევაში იდეალური არჩევანია ტევადი და მოდულური სექციური ავეჯი, რომელიც კომფორტულად იტევს მეგობრების დიდ ჯგუფს. Ტრანსფორმერი მაგიდა თუ დივანი, რომელიც სწრაფად ადაპტირდება ადამიანების რაოდენობაზე.
რა ჯობია მეგობრებთან ერთად მყუდროდ მოკალათებას და მოლხენას?
ინტროვერტები და მშვიდი განმარტოება
ინტროვერტები აფასებენ მარტოობას და სიმშვიდის შეგრძნებას თავიანთ საცხოვრებელ სივრცეში. ამ მახასიათებლის მქონე ადამიანი ირჩევს, მაგალითად, რბილ და დიდი ზომის სავარძელს, რომელიც ადგილს დაიკავებს სახლის რომელიმე წყნარ კუთხეში და უზრუნველყოფს იზოლირებულ სივრცეს კითხვისთვის, რელაქსაციისთვის და განტვირთვისთვის. ინტროვერტის მიერ შერჩეული ავეჯი ხშირად წარმოდგენილია მსუბუქ ფერებში და ტექსტურებში, როგორიცაა რბილი, ნეიტრალური ტონის პატერნები და თბილი, ხის აქცენტები.
მინიმალისტები და გამარტივებული დიზაინი
მინიმალისტები ეძებენ სიცხადესა და სიმარტივეს თავიანთ გარემოში. რა გასაკვირია, რომ მათი ავეჯის არჩევანიც შეესაბამება ამ ფილოსოფიას - სუფთა ხაზები და მინიმალისტური დიზაინი, როგორიცაა მაგალითად - გლუვი სასადილო მაგიდა ზედმეტი დეკორაციების გარეშე.
ამ ტიპის ადამიანებს მოსწონთ, რომ სახლი არ არის გადატვირთული ავეჯით. Ხოლო შერჩეული ავეჯი მრავალფუნქციურია. ეს შეიძლება იყოს დივანი-საწოლი, რომელიც ერთდროულად ითავსებს როგორც დასაჯდომის, ასევე ძილის ფუნქციებს. აქ ფერთა პალიტრა უმეტესად ნეიტრალურია: ინტერიერში დომინირებს თეთრი, ნაცრისფერი და მდუმარე ტონები.
მაქსიმალისტები და ეკლექტიკური სტილი
მაქსიმალისტები ეტრფიან გამბედაობას. ამიტომ, მათი ინტერიერი ფერების, ტექსტურებისა და პატერნების ნამდვილი კალეიდოსკოპია.
გამონაკლისი არც მათი ავეჯია. Რომელიც ენერგიულ და ეფექტურ ხასიათს ატარებს. როგორიცაა პომპეზური საწოლი, ან სავარძელი მდიდრული აქცენტებით.
სწორედ ავეჯის სტილისა და მასალების განსხვავებული კომბინაცია ქმნის ვიზუალურად თვალისმომჭრელ გარემოს.
ფუნქციონალობა და ცხოვრების წესი
ავეჯის დანიშნულებაა, რომ უნდა აკმაყოფილებდეს ადამიანების პრაქტიკულ საჭიროებებს. ამიტომ ვირჩევთ ავეჯს ცხოვრების წესის შესაბამისად. მაგალითად, ოჯახებს სადაც ბავშვები ცხოვრობენ, ესაჭიროებათ გამძლე და ადვილად წმენდადი ავეჯი. Ხოლო, თუ თქვენი საქმიანობა კომპიუტერთან დიდხანს ჯდომას მოითხოვს, გჭირდებათ ერგონომიული საოფისე ავეჯი, რომელიც მთელი დღე უზრუნველყოფს თქვენს კომფორტულ ჯდომას და ხელს უშლის ორგანიზმის გადაღლას.
ადამიანის ინდივიდუალური მახასიათებლების გათვალისწინება ინტერიერის დიზაინის შექმნისას ნამდვილი ხელოვნებაა. ასეთ დროს ავეჯი, როგორც ინტერიერის დიზაინის ცენტრალური კომპონენტი, მთავარ როლს ასრულებს საცხოვრებელი ფართის ატმოსფეროს შექმნაში.
თქვენი ხასიათი და ცხოვრების წესი მარტივად გამოიხატება იმ ავეჯით რომელსაც ირჩევთ.
“ბელუქსის” მრავალფეროვანი არჩევანი დაგეხმარებათ იმის გაგებაში, თუ რომელი ავეჯი შეეფერება თქვენს უნიკალურ თვისებებს. Სწორად შერჩეულ ავეჯს კი შეუძლია გახადოს თქვენი სივრცე არა მხოლოდ მყუდრო და კომფორტული, არამედ ვიზუალურად ისეთივე მიმზიდველი და საინტერესო - როგორც თქვენ.
