როგორ შევარჩიოთ სამზარეულოს ავეჯი?

26 მარტი, 2019

სამზარეულოს ავეჯის შერჩევისას ყველა დეტალი მნიშვნელოვანია: ხარისხი, სტილი, დიზაინი, ფერი, განლაგება, სათავსოების ზომა, ზედაპირის მასალა. სამზარეულო ხომ სწორედ ის ადგილია, სადაც ვამზადებთ თუ მივირთმევთ კერძებს, ოჯახი ერთად იკრიბება, ზოგჯერ კი ყველაზე მყუდრო სამუშაო გარემოდაც კი იქცევა ხოლმე.


სამზარეულოს დიზაინის შერჩევისას პირველ რიგში, თქვენი სახლის ინტერიერის სტილი უნდა გაითვალისწინოთ: თანამედროვე თუ კლასიკური, მოდერნისტული თუ სადა დიზაინის ბინისთვის სამზარეულო ოთახიც შესაბამისი უნდა იყოს. თუ სტუდიოს ტიპის ბინა გაქვთ, სამზარეულოს დიდი კუთხე და გამოყოფილი ბარი ძალიან კომფორტული იქნება. ბარის ნაწილი გამიჯნავს ოთახისა და სამზარეულოს ნაწილებს და კომფორტულადაც შეძლებთ მის გამოყენებას. თუ კლასიკური სტილის მოყვარული ხართ, აუცილებლად გირჩევთ ხისა და მარმარილოს კომბინაციას. ხის ფაქტურა განსაკუთრებულ იერს შესძენს თქვენს სამზარეულოს, მარმარილოს ზედაპირი კი სილამაზესთან ერთად გამძლეობითაც გამოირჩევა. თუ სახლში ხშირი სტუმრიანობა გაქვთ და გემრიელ კერძებსაც ხშირად ამზადებთ, სამზარეულოს კუნძული სწორედ თქვენთვისაა. ის სამზარეულოს გამოყოფილი ნაწილია და როგორც სათავსოს, ასევე მაგიდის ფუნქციასაც ითავსებს. სამზარეულოს ავეჯის შეძენისას მნიშვნელოვანია ყურადღება მიაქციოთ უჯრებისა თუ კარადების მექანიზმებს. ამასთანავე, მნიშვნელოვანია, რომ არ ჭრიალებდეს ზედაპირი.


სათავსო ავეჯის შემდეგ სამზარეულოს მაგიდისა და სკამების შერჩევის დრო დგება. აქაც ბევრი მნიშვნელოვანი ფაქტორია გასათვალისწინებელი. მრგვალი, ოვალური, თუ ოთხკუთხედი ფორმები? რომელი უფრო მოუხდება და მეტ კომფორტს შესძენს თქვენს სამზარეულოსა თუ სასადილო ოთახს?


თუ პატარა სივრცე გაქვთ, მრგვალ ან ოვალურზე მეტად ოთხკუთხედი სასადილო მაგიდა გამოგადგებათ, დიდი ოთახის შემთხვევაში კი ნებისმიერი არჩევანი შეგიძლიათ გააკეთოთ. სტუმართმოყვარე ოჯახისთვის, უმჯობესია გასაშლელი მაგიდა შეიძინოთ, ასე სივრცესაც დაზოგავთ და საჭიროების შემთხვევაში სტუმრებისთვისაც მუდამ იქნება ადგილი თქვენს მაგიდასთან. 


მომსახურება

მომსახურება და მიწოდება განვადების პირობები დილერი და ფრანშიზა

კომპანია

ჩვენ შესახებ სიახლეები კონტაქტი

შოურუმი

ავეჯი გარე ავეჯი საოფისე საბავშვო აქსესუარები ფასდაკლება დიზაინერული კუთხე

შემოგვიერთდით

© 2019, ბელუქსი. ყველა უფლება დაცულია.