2023 წლის ტრენდები ავეჯის ინდუსტრიაში
Ავეჯის ინდუსტრია სწრაფად ცვალებადი ტრენდებით გამოირჩევა. ამ მხრივ 2023 წელიც არ იქნება გამონაკლისი. გასული საუკუნის სტილის თანამედროვესთან გაერთიანება, ბუნებრივი მასალები და ნაზი ფერები კი თქვენს ყურადღებას მალე მიიპყრობს.
მინიმალისტური დეტალებისა და მაქსიმალისტური ავეჯის ნაზავი
2023 წელს მაქსიმალიზმი ჩვეული სითამამით ბრუნდება და იმდენ ადგილს იკავებს, რამდენიც სჭირდება! სივრცეში გაშლილი ავეჯი და მასიური დეკორი ერთდროულად მყუდრო და მდიდრულ ატმოსფეროს შექმნის.
მომავალ წელს მწარმოებლები ეცდებიან, მასობრივად წარმოებული, არაფრით გამორჩეული პროდუქტის ნაცვლად ექსკლუზიური დიზაინი შემოგვთავაზონ, რაც განსაკუთრებული ინტერიერის შექმნაში დაგვეხმარება.
როგორც ყველა სხვა სფეროში, ბუნებასთან სიახლოვე ავეჯის ინდუსტრიაშიც ერთ-ერთი წამყვანი იქნება. უფრო და უფრო ტრენდული ხდება გადამუშავებული მასალისგან შექმნილი პროდუქტი, რომელიც სივრცის ეფექტიანად ათვისებაში დაგვეხმარება. გამჭვირვალე პლასტმასის ავეჯი კი პოპულარობას შეინარჩუნებს და მსუბუქ, სასიამოვნო ესთეტიკას შექმნის.
ეკლექტიკური აღმოსავლურ აზიური დიზაინი
2023 წლის ერთ-ერთ ყველაზე საინტერესო ტრენდი ოდნავ გადატვირთული, თუმცა დახვეწილი აღმოსავლეთ აზიური სტილი იქნება. მძიმე სილუეტები და აზიური ორნამენტები იდუმალ ატმოსფეროს შექმნის.
მომავალ წელს ავეჯის მწარმოებლები ანტიკური ეგვიპტური ექსტერიერის ავეჯითაც გაგვანებივრებენ.
ბუნების ინტეგრაცია ინტერიერში
2023 წელს უმეტესად ისეთ ავეჯს შევხვდებით, რომელიც ნებისმიერი ზომის ოთახში სიმყუდროვის შეგრძნებას შექმნის. ხისგან დამზადებულ მასიურ ნივთებს მომრგვალებული სილუეტის ავეჯი დააბალანსებს.
ნაზი პასტელის ფერები კი მოწნულ ავეჯთან ერთად სიმსუბუქისა და სიმშვიდის შეგრძნებას დაგვიტოვებს.
მომავალ წელს მოსახერხებლობასაც დიდი ყურადღება მიექცევა. კომბინირებული ავეჯი, რომელიც რამდენიმე ფუნქციას შეითავსებს, სივრცის დაზოგვაში დაგვეხმარება.
მასალებიდან ყველაზე პოპულარული ტილო, ტყავი და ბუნებრივი ქვა იქნება. დეკორატიულ ნივთებში კი მასიურ მინის პროდუქტსაც შევხვდებით.
2023 წლის ერთ-ერთ ყველაზე საინტერესო ტრენდი რეტრო და ვინტაჟური სტილის ავეჯია. უბრალო, თუმცა დახვეწილი დეკორი მსუბუქ და სოლიდურ ატმოსფეროს შექმნის და მომხმარებელს გულგრილს არ დატოვებს.
Წყარო:
