ავეჯი ოჯახის ყველა წევრისთვის
ცხოვრება უფრო ფერადია, როდესაც სახლში ბავშვები და ცხოველები არიან. ასეთ დროს, ჩუმი და მყუდრო სახლი, უეცრად ხდება აქტივობის, გართობისა და ქაოსის ეპიცენტრი. ამიტომ სასურველია, ავეჯი შეესაბამებოდეს ოჯახის ყველა წევრის საჭიროებებს. ინტერიერის დახვეწილი დიზაინის და ოჯახური იდილიური გარემოს შესაქმნელად საჭიროა, იპოვოთ ის ავეჯი, რომელიც უზრუნველყოფს ფორმასაც და ფუნქციასაც.
ავეჯის ზედაპირი
ოჯახისთვის ავეჯის შერჩევა სწორი მასალების არჩევით იწყება. მიუხედავად იმისა, რომ შუშის ავეჯი შეიძლება უნივერსალურად მოგეჩვენოთ, ის მაგნიტია თითის ანაბეჭდებისა და ლაქების, რის გამოც მას მუდმივი დასუფთავება სჭირდება. ანალოგიური სიტუაციაა დელიკატური ქსოვილების შემთხვევაშიც, როგორიცაა, მაგალითად, ხავერდის დივნები, რადგან ისინი დაუცველია სითხის დაღვრისა და ლაქების მიმართ.
თუმცა, არსებობს ზედაპირის სხვა ვარიანტებიც. განვიხილოთ შემდეგი მასალები:
ხე: იდეალურია სასადილოსა და ყავის მაგიდებისთვის მათი გამძლეობის გამო.
ბამბის ქსოვილები და ალკანტარა: მარტივია გასაწმენდად და მოსავლელად.
ტყავი: არ საჭიროებს ხშირ მოვლას, მარტივად უძლებს ბავშვებისა და შინაური ცხოველების ზეგავლენას.
დამატებით, შეგიძლიათ წინასწარ გაითვალისწინოთ ავეჯის ზედაპირის ტექსტურაც. ტექსტურები და პატერნები ავეჯს მხოლოდ ესთეტიკას არ მატებს; მათ ასევე ეფექტურად შეუძლიათ ბავშვებისა ან ცხოველების მიერ გაჩენილი ლაქების ან ავეჯზე გაცვეთილი ნაწილების მარტივად დამალვა.
კონფიგურაცია
როდესაც საქმე ეხება ოჯახურ ავეჯს, კონფიგურაცია გადამწყვეტ როლს ასრულებს. ავეჯი არა მხოლოდ კომფორტულად მოსასვენებელი უნდა იყოს, არამედ ერთგულად უნდა ემსახუროს გართობის და აქტიურობის დროს ოჯახის ყველა წევრს. განსაკუთრებით კი - მისაღებ ოთახში.
ამისათვის შეარჩიეთ მოდულური ავეჯი, როგორიცაა გასაშლელი დივან-საწოლები, ან მრავალ ნაჭრიანი კუთხის დივნები. მოდულურობა ნიშნავს ავეჯის მოქნილობას, ადაპტირდეს ოჯახის ცვალებად საჭიროებებთან. ამასთან ერთად კი, უზრუნველყოს დამატებითი სივრცე სტუმრების მასპინძლობისას.
სახლში ადგილის დაზოგვის შესანიშნავი საშუალება ავეჯის სათავსოებია. ოჯახის ბევრ წევრზე მოდის უამრავი ნივთი - სათამაშოები, წიგნები, ტანსაცმელი. ყველაფრის ორგანიზება შეიძლება ნამდვილი გამოწვევა იყოს, რომელსაც დამატებითი სათავსოს მქონე ავეჯი მოაგვარებს.
მოსახსნელი გადასაფარებელი
მთელი ოჯახისთვის ავეჯის ყიდვისას, ყურადღება მიაქციეთ მოხსნადი გადასაფარებლების მქონე ნაწილებს. ეს გადასაფარებლები წარმოუდგენლად მოსახერხებელია, განსაკუთრებით კი, როდესაც სახლში ბავშვები გყავთ. სითხის დაღვრის ან დალაქავების შემთხვევაში, შეგიძლიათ უბრალოდ მოხსნათ შალითა ავეჯს და გარეცხოთ. ხოლო თუ დაზიანება გამოუსწორებელია, მოსახსნელი გადასაფარებლების შეცვლა და ახალი დიზაინის შერჩევა ძალიან ადვილია. სისუფთავესთან ერთად, ეს მოგცემთ საშუალებას განსხვავებული იერი შესძინოთ თქვენს ავეჯს.
ბელუქსი - არჩევანი მთელი ოჯახისთვის
ბელუქსში გვესმის, რომ ოჯახურ ცხოვრებას სჭირდება ინდივიდუალური და განსხვავებული მოთხოვნები. “ბელუქსის” ავეჯის კოლექცია ერგება თითოეული ოჯახის წევრის საჭიროებებს.
ჩვენ გთავაზობთ საოჯახო ავეჯის ფართო არჩევანს, რომელიც შეესაბამება ყველა მოთხოვნას: გამძლე მასალა, რომელიც უძლებს დროს; მრავალმხრივი კონფიგურაცია, რომელიც მოერგება ნებისმიერ ოთახს; ავეჯს სათავსოებით წესრიგის შესანარჩუნებლად; სახლის სტილის შესაბამის ელეგანტურ ტექსტურებსა და პატერნებს.
ჩვენი მიზანია, რომ ადამიანმა იპოვოს მისთვის სრულყოფილი ავეჯი, რომელიც შეავსებს სახლს და გახდის მას მეტად თანამედროვესა და კომფორტულს ოჯახის ყველა წევრისთვის.
